grundartangi

Kynning á niðurstöðum umhverfismats Aurora fiskeldis

Fri, 12 Dec 2025 09:16:55 GMT

Kynning verður á niðurstöðum umhverfismats Aurora fiskeldis vegna landeldis á laxi á Grundartanga í Hvalfirði.

Aurora fiskeldi og EFLA munu halda kynningarfund á Hótel Laxárbakka í Hvalfjarðarsveit miðvikudaginn 17. desember n.k kl. 17:30.

Kynning á niðurstöðum umhverfismats er hluti af umhverfismatsferli og mikilvægur liður í að hagaðilar og almenningur hafi vettvang til að kynna sér helstu niðurstöður og koma sjónarmiðum sínum á framfæri.

Dagsskrá:

1. Aðstandendur félagsins munu kynna framkvæmdina

2. EFLA mun fara yfir helstu niðurstöður umhverfismats.

3. Spurningar og svör

Almenningur og hagaðilar er hvattir til að mæta.

Viljayfirlýsing um aukin umsvif loftslagavænnar starfsemi á Grundartanga

Fri, 14 Nov 2025 13:29:16 GMT

Fimmtudaginn 13. nóvember sl. skrifuðu Þróunarfélag Grundartanga , Elkem, Orkuveitan, Orka Náttúrunnar og Carbfix undir viljayfirlýsingu um aukin umsvif loftslagavænnar starfsemi á Grundartanga. Horft verður m.a. annars til samstarfs vegna verkefna sem snúa að uppbyggingu varmavirkjunar og nýtingu glatvarma frá Elkem sem nýta má fyrir nýja og fjölbreytta atvinnustarfsemi ásamt föngun og binidngu kolefnis frá útblæstri Elkem.

Guðjón Steindórsson, framkvæmdastjóri Þróunarfélags Grundartanga:

„Við höfum unnið lengi og markvisst að þróun græns iðngarðs hér á svæðinu og nú erum við farin að sjá það komast á framkvæmdastig. Nú þegar eru öflug fyrirtæki starfandi á Grundartanga og mikill áhugi er meðal nýrra fyrirtækja á að koma og starfa hér í samræmi við stefnu græns iðngarðs. Þar má m.a. nefna félög í magnesíumvinnslu, landeldi, grænu eldsneyti og fóðurframleiðslu. Samstarf þessara aðila styrkir verulega grunninn að því að þessi verkefni verði að veruleika á næstunni.“

Miklar vonir eru bundnar við þessa samvinnu sem er í takt við sýn Þróunarfélagsins fyrir svæðið og styður með beinum hætti við grænan iðngarð með hringrásarhugsun.

Vegna fyrirhugaðra verndartolla ESB á kísiljárn

Wed, 06 Aug 2025 14:10:35 GMT

Áskoranir sveitarfélaga

Akraneskaupstaður og Hvalfjarðarsveit hafa bæði sent frá sér yfirlýsingar vegna fyrirhugaðra tolla ESB á kísiljárn. Þar er þess krafist að ríkisstjórn Íslands geri allt sem í hennar valdi stendur til að koma í veg fyrir breytingarnar, en ef af verður er ljóst að tollarnir geta haft umtalsverð áhrif á starfsemina á Grundartanga og þar með á nærliggjandi sveitarfélög. Þar er einnig vísað til þeirrar uppbyggingar sem stefnt er að á Grundartanga á komandi misserum og nú er sett er í uppnám.

Hér eru hlekkir á yfirlýsingar sveitarfélaganna:

Kynning á matsáætlun Aurora fiskeldis

Fri, 24 Jan 2025 10:26:49 GMT

Aurora fiskeldi og EFLA munu halda kynningarfund á Hótel Laxárbakka í Hvalfjarðarsveit þriðjudaginn 4.febrúar n.k. kl. 20:00.

Kynning á matsáætlun er hluti af umhverfismatsferli sem er í vinnslu og mikilvægur liður í að hagaðilar og almenningur hafi vettvang til að kynna sér framkvæmdina og koma sjónarmiðum sínum á framfæri.

Dagskrá kynningarinnar verður eftirfarandi:

1. Aðstandendur félagsins munu kynna framkvæmdina

2. EFLA mun kynna matsáætlun framkvæmdarinnar og helstu áherslur í komandi umhverfismati

3. Spurningar og svör

Frekar eru upplýsingar um verkefnið: Skipulagsgáttin

Almenningur og hagaðilar eru hvattir til að mæta

Starfsemi á Grundartanga og flokkunarreglugerð ESB

Thu, 16 Jan 2025 10:51:50 GMT

Starfsemi á Grundartanga og flokkunarreglugerð ESB

Árið 2023 tóku gildi lög nr. 25/2023 um sjálfbærni á sviði fjármálaþjónustu og flokkunarkerfi fyrir sjálfbærar fjárfestingar en með gildistöku laganna voru m.a. ákvæði flokkanareglugerðar ESB (e. EU Taxonomy) innleidd í íslenskan rétt. Markmið reglugerðarinnar er að auka gangsæi er kemur að ófjárhagslegum upplýsingum fyrirtækja og þannig stýra fjármagni í átt að umhverfislega sjálfbærari atvinnustarfsemi. Reglugerðin leggur sérstaka áherslu á sex umhverfismarkmið en meðal þeirra eru mildun loftlagsbreytinga og umbreyting yfir í hringrásarhagkerfi.

Til þess að ná markmiðum Íslands um sjálfbæra þróun og samdrátt í losun gróðurhúsalofttegunda þarf að leita leiða til að auka sjálfbæra nýtingu náttúruauðlinda. Markmið Þróunarfélagsins er að þróa grænan iðngarð með hringrásarhugsun að leiðarljósi og gefur það því augaleið að markmið flokkunarreglugerðarinnar styðja við þróun Grundartangasvæðisins.

Á svæðinu má finna ýmiskonar starfsemi sem hefur verið skilgreind í umræddri reglugerð og gæti því, ef hún uppfyllir tæknileg matsviðmið, talist umhverfislega sjálfbær samkvæmt kröfum reglugerðarinnar. Fyrirtæki á Grundartangasvæðinu hafa nú þegar lagt í þá vegferð að greina umræddar kröfur og halda þannig áfram að vera leiðandi í íslensku atvinnulífi er kemur að umhverfismálum, félagslegum þáttum og stjórnarháttum.

Föngun CO2 á Grundartanga

Fri, 08 Nov 2024 15:49:49 GMT

Nýlega skrifaði Carbon Iceland undir samning við Norðurál um að taka fyrstu skrefin í að aðlaga fyrirliggjandi tækni við CO2 föngun frá álveri félagsins á Grundartanga. Ætlunin er að nýta þann koltvísýring sem fangaður er til framleiðslu á grænu eldsneyti sem m.a. getur nýst fiskiskipaflotanum og þannig stutt við orkuskipti. Gert er ráð fyrir að CO2 föngunin geti hafist árið 2028.

Verkefnið er hluti að samstarfi innlendra- og erlendra tæknifyrirtækja um að fanga þá losun sem kemur frá stóriðju á íslandi en Guðlaugur Þór Þórðarson, umhverfis-, orku- og loftslagsráðherra hefur ýtt verkefninu úr vör. Föngunin byggist á búnaði og þekkingu frá Mitsubishi Heavy Industries og Siemens Energy.

Verkefnið er í samræmi við uppbyggingu græns iðngarðs á Grundartanga auk þess að vera í takt við stefnu stjórnvalda og sveitarfélaga um þróun í átt að hringrásarhagkerfi og styður við aðgerðaráætlun í loftlagsmálum.

Styrkur frá Orkusjóði

Wed, 21 Aug 2024 15:39:01 GMT

Styrkur úr Orkustjóðs til uppsetningar varmaveitu á Grundartanga

Þann 16. ágúst sl. fór fram úthlutun úr Orkusjóði fyrir árið 2024. Haraldur Benediktsson, stjórnarformaður Orkusjóðs, kynnti þau verkefni sem hlutu styrki ásamt því að Guðlaugur Þór Þórðarson, umhverfis-, orku- og loftslagsráðherra, hélt erindi.

Þróunarfélag Grundartanga hlaut styrk til uppsetningar varmaveitu á Grundartanga þar sem glatvarmi frá starfsemi fyrirtækja á svæðinu verður nýttur. Verkefnið er eitt fyrsta sinnar tegundar á landinu og er mikilvægur liður í uppbyggingu Grundartanga sem græns iðngarðs, en það styður með beinum hætti við markmið garðsins. Styrkurinn er því mikilvægur liður í vegferðinni framundan.

Samtals var úthlutað 900 milljónum króna í styrki til 53 verkefna sem öll styðja við orkuskipti, og hefur upphæðin aldrei verið hærri.

Hvað er sjálfbærniumgjörð?

Thu, 15 Aug 2024 14:40:37 GMT

Hvað er sjálfbærniumgjörð?

Sjálfbærniumgjörð myndar stefnu græns iðngarðs á Grundartanga. Hún inniheldur sameiginlega sýn, markmið og mælikvarða á sviði umhverfismála, félagslegra þátta, stjórnarhátta og hagsældar og byggir á mikilvægisgreiningu fyrir garðinn ásamt viðmiðum Alþjóðabankans og Sameinuðu þjóðanna.

Sjálfbærniumgjörð græns iðngarðs á Grundartanga var samþykkt af öllum aðildarfyrirtækjum garðsins árið 2022. Hún er sameiginleg stefnumörkun aðildarfyrirtækja garðsins sem hafa það að leiðarljósi að stuðla að uppbyggingu hringrásarhagkerfis á Grundartanga með bættri fjölnýtingu auðlinda og innviða. Garðurinn er sá fyrsti sinnar tegundar á Íslandi.

Góður gangur á Grundartanga

Mon, 13 May 2024 11:32:56 GMT

Athafnasvæði Grundartanga í Hvalfjarðarsveit endurspeglar metnaðarfulla og blómlega atvinnustarfsemi. Fjölbreytt og öflug fyrirtæki sem nýta hafnarmannvirki til gróskumikillar framleiðslu- og þjónustustarfsemi. Ábati reksturs og fjárfestinga skapar öruggt atvinnuumhverfi, styður þjónustu sveitarfélaga og er uppspretta og vettvangur nýsköpunar. Þróunarfélag Grundartanga sameinar krafta nálægra sveitarfélaga, Faxaflóahafna og fyrirtækja sem skapa öflugt sóknarsvæði, þróa vaxtarmöguleika og mótvægi við loftslagsbreytingar. Félaginu er ætlað að tryggja vegferð sjálfbærra fyrirtækja og samfélags á svæðinu. Það felst í samvinnu lykilaðila um framtíðarsýn til aukinnar samkeppnishæfni. Þróunarfélagið hefur að markmiði að innviðir Grundartangasvæðisins styðji við og laði að fjölbreytta atvinnustarfsemi með lágmarksumhverfisáhrif. Þar þurfa umhverfismál að vera í fremstu röð iðnaðarsvæða, í takt við það besta sem gerist og öflugt mótvægi við loftslagsbreytingar. Hvatt er í senn til nýsköpunar, þróunar og að öryggismál séu í fyrirrúmi.

Grænn iðngarður meginverkefnið

Megináherslur Þróunarfélagsins síðasta ár hafa snúist um að þróa Grundartangasvæðið sem grænan iðngarð með hringrásarhugsun að leiðarljósi. Í því felst að mótuð verði umgjörð sjálfbærni fyrir svæðið og uppbygging hringrásarhagkerfis með bættri fjölnýtingu auðlinda og innviða. Niðurstaða ítarlegrar sviðsmynda og stefnumótunarvinnu á möguleikum svæðisins leiddi til undirbúnings að stofnun græns iðngarðs. Í takt við stefnu stjórnvalda og sveitarfélaga um þróun hringrásarhagkerfis og styður við aðgerðaáætlun í loftslagsmálum og sjálfbærnimarkmið Sameinuðu þjóðanna.

Eigendur og fyrirtæki á Grundartanga undirrituðu viljayfirlýsingu um uppbyggingu græns iðngarðs. Hann yrði umgjörð sjálfbærni fyrir svæðið og uppbygging hringrásarhagkerfis sem vettvangur nýsköpunar með bættri fjölnýtingu auðlinda og innviða. Starfið byggist á virkri stjórnun þeirra þátta í starfsemi garðsins sem hafa áhrif á umhverfi en einnig til mótvægis vegna mögulegra saðlegra áhrifa. Það þýðir minni losun gróðurhúslofttegunda, aukna orkunýtingu og hringrásarhagkerfitil aukinnar nýtingar auðlinda. Það krefst samvinnu fyrirtækja og deilingar efna, aukaafurða, orku og vinnsluúrgangs auk virkrar úrgangs-, vatns- og orkustjórnunar. Jafnframt skapast með grænum iðngarði tækifæri sem auka fjárhagslegan ávinning garðsins. Slík hagsæld getur byggst á aukinni samkeppnishæfni og að auðveldara sé að laða að erlenda fjárfesta. Sköpuð eru tækifæri til aukinna gjaldeyristekna og hagkvæmari hráefnis- og auðlindanýtingar.

Grænbók Grundartanga

Þróunarfélagið lauk á síðasta ári vinnu við svokallaða Grænbók fyrir Grundartanga þar sem saman eru tekin tækifæri og núverandi staðasvæðisins í sjálfbærnimálum. Þar er Grundartanga lýst sem grænum iðngarði hringrásarhugsunar, lykilverkefni greind sem og nauðsynlegar aðgerðir. Á sama tíma hefur Þróunarfélagið metið hvaða rekstrarform henta best sem tryggja aðkomu sem flestra hagaðila að iðngarðinum. Rekstrarform sambærilegraklasa erlendishafa einnig verið skoðuð. Myndaður hefur verið undirbúningshópur fyrir stofnun iðngarðs með fulltrúum fyrirtækjanna á svæðinu auk framkvæmdastjóra og formanns stjórnar Þróunarfélagsins. Stefnt er að því að grænn iðngarður á Grundartanga taki formlega til starfa í haust.

Hraðhleðslustöð og hitaveita

Þróunarfélagið vinnur að margvíslegum grænum undirbúningsverkefnum. Í sumar á að setja upp öflugar hraðhleðslustöðvar á Grundartanga. Fjárfest hefur verið í búnaði, lóð undirbúin og unnið er að samningum við rekstraraðila. Áfram hefur verið unnið að stofnun hitaveitu á Grundartanga sem nýtir umframvarma svæðisins. Gerð hefur verið arðsemisgreining á mögulegri hitaveitu, unnið að því að tryggja aðgengi að varma, ákveða rekstrarfyrirkomulag og fjármögnun. Þróunarfélagið hefur einnig stýrt verkefni við tilraunaborholu á Grundartanga, með það að markmiði að kanna möguleika Carbfix-tækninnar á niðurdælingu CO2 úr útblæstri frá starfsemi Elkem. Fyrirhugað er að bora 800 metra djúpa rannsóknarborholu. Í kjölfarið verði boruð niðurdælingahola á svæðinu reynist niðurstöður rannsóknarborunar jákvæðar.

Markið er sett hátt, fyrirtækjum og samfélagi til heilla. Grænn iðngarður á Grundartanga á að stuðla að sjálfbærri auðlindanotkun og eflingu hringrásarhagkerfis og taka forystu í aðgerðum gegn loftslagsbreytingum og þróun hringrásarhagkerfis á heimsvísu. Í þeirri vegferð sjálfbærni fyrirtækja og samfélags á Grundartanga felst sóknarhugur í uppbyggingu atvinnusvæðisins.

Heimsókn ráðherra í Hvalfjarðarsveit

Wed, 05 Apr 2023 11:27:13 GMT

Guðlaugur Þór Þórðarson, umhverfis-, orku- og loftslagsráðherra, Magnús Guðmundsson, rekstrarstjóri hjá sama ráðuneyti og Haraldur Benediktsson, nýráðinn bæjarstjóri Akraneskaupstaðar, heimsóttu Hvalfjarðarsveit þann 4. apríl sl. og fengu kynningu á helstu viðfangsefnum sveitarfélagsins.

Þróunarfélag Grundartanga kynnti sína starfsemi á fundinum og fór m.a. yfir stöðu græns iðngarðs með hringrásarhugsun á Grundartanga og þau verkefni sem garðurinn vinnur að.

Sævari Frey þakkað gott samstarf

arnar@stefna.is (Arnar Pétursson) — Fri, 31 Mar 2023 11:25:27 GMT

Þann 30. mars s.l. var haldið kveðjuhóf á vegum Akraneskaupstaðar fyrir Sævar Frey Þráinsson, fráfarandi bæjarstjóra þar sem honum þakkað góð störf og samstarf.

Fulltrúar Þróunarfélagsins afhentu Sævari blómvönd í tilefni þess og þökkuðu fyrir mjög gott samstarf á undanförnum árum. Sævar hefur átt drjúgan þátt í þeirri uppbyggingu og þróun sem hefur átt sér stað á svæðinu en mikill fjöldi íbúa Akraness starfa á Grundartanga.

Þróunarfélag Grundartanga óskar Sævari góðs gengis á nýjum vettvangi.

Heimsókn nemenda frá LBHÍ

audur@stefna.is (Auður Ása Maríasdóttir) — Fri, 31 Mar 2023 11:23:48 GMT

Þróunarfélag Grundartanga og Elkem tóku á móti nemendum frá Landbúnaðarháskóla Íslands í húsnæði Elkem á Grundartanga, en heimsóknin var hluti áfanga um landnýtingu á Íslandi.

Nemendurnir fengu kynningu á tilgangi, starfsemi og framtíðarsýn Þróunarfélagsins ásamt því að fulltrúar KPMG kynntu hugmyndafræði og stöðu græns iðngarðs á Grundartanga.

Einnig fengu nemendurnir kynningu frá Elkem um tækifæri og verkefni þeirra út frá umhverfislegum sjónarmiðum.

Heimsókn til Þróunarfélags Grundartanga

Tue, 04 Oct 2022 11:22:07 GMT

Sendiherra Evrópusambandsins á Íslandi, Lucie Samcová – Hall Allen, ásamt fylgdarliði, heimsótti Þróunarfélag Grundartanga þriðjudaginn 3. október s.l.

Hópurinn fékk kynningu á Þróunarfélagi Grundartanga frá Ólafi Adolfssyni, formanni þróunarfélagsins, sem fjallaði m.a. um starfsemi þess og tilgang ásamt kynningu frá Álfheiði Ágústsdóttur, forstjóra Elkem og Bjarna Má Júlíussyni sem ræddi um rafeldsneyti og fjölnýtingu. Aðalheiður Kristinsdóttir kynnti svo starfsemi Icelandic Electrial Fuel (Icefuel), en félagið var stofnað í kringum þróunarverkefni um rafeldsneyti á Íslandi.

Mikil ánægja var meðal þátttakenda og ljóst er að vaxandi áhugi er til staðar á þeim verkefnum sem framundan eru á Grundartangasvæðinu.

Grundartangi sem grænn hringrásargarður

Wed, 15 Jun 2022 15:59:37 GMT

Hið öfluga atvinnusvæði á Grundartanga í Hvalfjarðarsveit á mikið undir sjálfbærri framtíð. Um miðjan maí s.l. samþykktu fyrirtæki og sveitarfélög viljayfirlýsingu um að á Grundartanga verði komið á fót grænum iðngarði byggðum á hringrásarhugsun. Að yfirlýsingunni standa Þróunarfélag Grundartanga, fimm sveitarfélög, Faxaflóahafnir og 15 öflug fyrirtæki. Verndari verkefnisins er Guðlaugur Þór Þórðarson, umhverfis-, orku- og loftslagsráðherra.

Með þessu er stefnt gera Grundartanga að grænum iðngarði sem verði leiðandi á heimsvísu á sínu sérsviði. Sköpuð verður umgjörð sjálfbærni fyrir svæðið með uppbyggingu hringrásarhagkerfis ásamt bættri fjölnýtingu auðlinda og innviða.

Mikilvægi Grundartanga

Í dag eru um 20 stór og smá iðn‐ og þjónustufyrirtæki á Grundartanga sem veita yfir 1.100 manns atvinnu. Rekja má meira en 1.000 afleidd störf til starfseminnar. Þessi samsteypa eru langstærstu vinnuveitendur Hvalfjarðarsveitar og Akraness. Tvö stærstu fyrirtækin, Norðurál og Elkem Ísland, greiða laun og kaupa þjónustu fyrir rúmlega 23 milljarða króna á ári. Munar nú um minna.

Atvinnusvæðið hefur verið byggt upp með samstarfi fyrirtækja og framsýnna sveitarfélaga. Til frekari framfaraskrefa var Þróunarfélag Grundartanga stofnað 2016. Að því standa Hvalfjarðarsveit, Borgarbyggð, Skorradalshreppur, Akraneskaupstaður, Reykjavíkurborg og Faxaflóahafnir. Það sameinar krafta sveitarfélaganna, Faxaflóahafna og fyrirtækjanna á svæðinu til að skapa öflugt sóknarsvæði og þróa vaxtarmöguleika.

Af hverju Grundartangi?

Í dag býr atvinnusvæðið á Grundartanga yfir flestum kostum þess sem grænn iðngarður þarf. Það nær yfir skilgreint landsvæði og hefur sameiginlegt aðalskipulag sem auðveldar framþróun svæðisins. Rafmagn kemur frá endurnýjanlegum auðlindum og afurðir svæðisins eru endurvinnanlegar. Aukaafurðir eru nú þegar vel nýttar í efna- og byggingariðnaði og framundan eru fleiri tækifæri í fjölbreyttri atvinnustarfsemi. Þá fellur starfsemi fyrirtækja á svæðinu vel að skilgreiningum sem tengjast hringrásarhagkerfi.

Þróunarfélagið

Þróunarfélagið lét vinna sviðsmyndir um framtíð Grundartangasvæðisins og mótaði sér í kjölfarið stefnu sem byggir á sýn um nýsköpunar‐ og þróunarklasa á Grundartanga. Innan hans verði fjölbreytt starfsemi ólíkra fyrirtækja, stofnana og sveitarfélaga sem tengist svæðinu, til umbóta, samstarfs og þróunar. Metnaðurinn liggur í sjálfbærri verðmætasköpun, lágmörkun vistspors og bættrar umhverfisverndar.

Félagið byggir á þeirri trú að jákvæður ábati reksturs og fjárfestinga styrki samkeppnishæfni fyrirtækja á svæðinu. Hann skapar öruggara atvinnuumhverfi, styður bætta þjónustu sveitarfélaga og skapar mótvægi við loftslagsbreytingar. Þetta er vegferð sjálfbærni fyrirtækja og samfélags.

Hringrásarhagkerfi á Grundartanga

Megináherslur Þróunarfélagsins síðasta árið hafa snúist um að þróun Grundartangasvæðisins sem grænan iðngarð með hringrásarhugsun að leiðarljósi. Í því felst að mótuð verði umgjörð sjálfbærni fyrir svæðið og uppbygging hringrásarhagkerfis með bættri fjölnýtingu auðlinda og innviða.

Dregið verður úr losun gróðurhúsalofttegunda, stuðlað að sjálfbærri auðlindanýtingu, aukinni endurvinnslu og endurnýtingu úrgangs. Úrgangur sem til fellur fær viðeigandi meðhöndlun til að skapa ekki hættu fyrir heilbrigði manna og dýra eða umhverfisskaða.

Þetta er í takt við stefnu stjórnvalda og sveitarfélaga um þróun hringrásarhagkerfis og styður við aðgerðaráætlun í loftlagsmálum og Sjálfbærnimarkmið Sameinuðu þjóðanna. Stutt verður við sjálfbærni með innleiðingu félagslegra, efnahagslegra og umhverfisvænnna sjónarmiða í skipulagi, stýringu og framkvæmd á svæðinu.

Ávinningur: Minni mengun- Meiri nýtni

Ávinningur vegferðarinnar mun skila sér m.a. í spennandi umhverfi fyrir fyrirtæki sem hafa hug á að nýta tækifæri í sjálfbærni og taka þátt í uppbyggingu svæðisins til framtíðar.

Fyrir þátttakendur í hringrásarhagkerfi svæðisins liggur ávinningur til skemmri tíma í aukinni hagsæld, tekjum, sparnaði og lægri framleiðslukostnaði. Umhverfisáhrif verða lágmörkuð og dregið úr auðlindanotkun og losun óæskilegra efna. Nýting hráefna svo sem vatns, orku og annarra efna verður betri. Þetta mun opna á aðra markaði, fleiri vörutegundir og aukna þjónustu sem laðar að nýfyrirtæki og viðskiptavini til Grundartangasvæðisins. Vegferðin er einnig líkleg til að auka aðgengi að styrkjum og grænni fjármögnun. Eftir standa samkeppnishæfari fyrirtæki og styrkara samfélag.

Leiðandi í sjálfbærni

Grænn iðngarður Grundartanga hefur alla burði til að vera leiðandi í sjálfbærni, bættri fjölnýtingu auðlinda og innviða í gegnum hringrásarhagkerfið. Mörg tækifæri liggja í að minnka áhrif loftslagsbreytinga, auka skynsama hráefnanotkun, koma á fjölnýtingarverkefnum og bæta endurheimt auðlinda.

Dæmi um slíka hringrás er fyrirtæki sem býr til vörur úr úrgangi Norðuráls. Einnig hefur verið sýnt fram á að stálendurvinnsla er áhugaverð á svæðinu. Þá fellur starfssemi þjónustufyrirtækja vel að skilgreiningum á vöru, þjónustu og viðhaldi sem hluti af hringrásarhagkerfi.

Nýting glatvarma frá stóriðju má til að mynda nýta fyrir hitaveitu og er skýr þáttur í hringrás græns iðngarðs. Sömuleiðis má nefna förgun koldíoxíð til notkunar í fjölbreyttari iðnaði á svæðinu, til að mynda fyrir orkuiðnað, matvælaiðnað og líftækniiðnað. Tækifærin eru ótalmörg.

Vegferðin framundan

Árangursrík uppbygging græns iðngarðs kallar á skilvirka nálgun og samþættingu, áætlana og aðgerða. Nú þegar menn hafa sammælst um stefnu, sýn og forystu fyrir grænan iðngarð, þarf að byggja áfram upp á Grundartanga og smíða umgjörð um þessar sjálfbærniáherslur. Verkefnið mun falla vel að skilgreiningum Alþjóðabankans og Sameinuðu þjóðanna á grænum iðngörðum.

Þá þarf að skapa sjálfbærniumgjörð sem inniheldur umhverfismál, félagslega þætti, hagsæld og stjórnarhætti. Því öflugri sem umgjörðin er, því öflugri verður græni iðngarðurinn og það mun laða að ný fyrirtæki og starfsfólk.

Viljayfirlýsingin um grænan iðngarð á Grundartanga er hollur heimafenginn baggi uppbyggingu athafnalífs en ekki síst fyrir framtíðarkynslóðir þessa lands.

Undirritun viljayfirlýsingar um uppbygginngu græns iðngarðs með hringrásarhugsun

Fri, 13 May 2022 15:52:05 GMT

Þann 11. maí síðastliðinn skrifuðu eigendur Þróunarfélags Grundartanga og fyrirtækin sem starfa á Grundartangasvæðinu undir viljayfirlýsingu um uppbyggingu græns iðngarðs með hringrásarhugsun á Grundartanga og fór viðburðurinn fram hjá Norðuráli á Grundartanga. Í uppbyggingunni felst að mótuð verður fyrirmyndar sjálfbærniumgjörð fyrir svæðið og unnið að uppbyggingu hringrásarhagkerfis með bættri fjölnýtingu auðlinda og innviða. Verndari verkefnisins er Guðlaugur Þór Þórðarson, umhverfis-, orku- og loftslagsráðherra.

Lágmörkun umhverfisáhrifa og aukin hagsæld

Fyrir liggur greining KPMG á tækifærum Grundartanga sem græns iðngarðs með hringrásarhugsun og leiðir hún í ljós mikla möguleika Grundartanga á þessu sviði. Áætlað er að ávinningur vegferðarinnar sé margþættur fyrir hagaðila svæðisins og muni skila sér m.a. í lágmörkun umhverfisáhrifa og betri nýtingu hráefna. Einnig mun hún styrkja samkeppnisstöðu Grundartanga sem atvinnusvæðis og þannig auka hagsæld ásamt því að styðja við aðgerðaáætlanir stjórnvalda í loftslagsmálum.

Leiðandi á heimsvísu

Grundartangi sem grænn iðngarður stefnir á að verða leiðandi á heimsvísu enda eru allar forsendur til staðar. Meðal verkefna framundan er stofnun samstarfsklasa aðilanna á Grundartanga og annarra hagaðila og fjölnýtingaverkefni s.s. stofnun hitaveitu sem nýtt getur varma frá Elkem og Norðuráli.

Stærsta iðnaðarsvæði Vesturlands

Á Grundartanga er góð hafnaraðstaða og þar er langstærsta iðnaðarsvæði Vesturlands þar sem starfa um 1.100 manns að jafnaði auk þess sem rekja má um 1.000 afleidd störf til starfsemi svæðisins.

Græn atvinnusköpun

arnar@stefna.is (Arnar Pétursson) — Thu, 02 Sep 2021 15:44:18 GMT

Það voru góð tíðindi er Norðurál lauk nýlega raforkusamningum og tilkynnti um 15 milljarða króna viðbótarfjárfestingu á Grundartanga. Sú framkvæmd mun tímabundið skapa um 100 störf og önnur 40 til framtíðar og styrkja samkeppnisstöðu Grundartanga sem öflugs atvinnusvæðis.

Á Grundartanga veita 20 stór og smá iðn- og þjónustufyrirtæki um 1.100 manns atvinnu að jafnaði. Að auki má rekja um 2.100 afleidd störf til starfseminnar á svæðinu. Þetta samfélag fyrirtækja er langstærstu vinnuveitendur Hvalfjarðarsveitar og Akraness. Tvö stærstu fyrirtækin, Norðurál og Elkem Ísland, greiða laun og kaupa þjónustu fyrir meira en 20 milljarða króna á ári.

Þetta öfluga fyrirtæki og sveitarfélögin hafa byggt upp þetta atvinnusvæði í sameiningu. Til frekari framfaraskrefa var Þróunarfélag Grundartanga stofnað 2016. Að því standa Hvalfjarðarsveit, Borgarbyggð, Skorradalshreppur, Akraneskaupstaður, Reykjavíkurborg og Faxaflóahafnir. Félagið sameinar krafta sveitarfélaganna, Faxaflóahafna og fyrirtækja á atvinnusvæðinu til að skapa öflugt atvinnusóknarsvæði og þróa nýja vaxtarmöguleika.

Meðal fjölbreyttra þróunar- og framfaramála má nefna skoðun á nýjum umhverfisvænum orkukostum, orkuendurvinnslu, hitaveitu og framleiðslu nýrra orkugjafa á borð við rafeldsneyti. Metnaðarfull markmið hafa verið sett um fullnýtingu í virðiskeðju í framleiðslu þar sem koma á í veg fyrir sóun verðmæta. Byggja á upp grænt iðn- og atvinnusvæði sem sækir fyrirmynd í hringrásarhagkerfi.

Ráðist hefur verið í skógrækt með „grænum trefli“ á svæðinu, unnið að betri tengingum við umhverfisvænar almenningssamgöngur og kynning aukin á svæðinu. Einnig hefur félagið hvatt til samstarfs um auknar umhverfisrannsóknir og umhverfisvöktun til að draga úr neikvæðum áhrifum á umhverfi og lágmarka vistspor. Ofangreind mynd er hluti af stærri sýn um uppbyggingu nýsköpunar- og þróunarklasa á Grundartanga. Móta á klasa fjölbreyttrar starfsemi ólíkra fyrirtækja, stofnana og sveitarfélaga sem tengjast svæðinu, til umbóta og þróunar. Markmiðið er að með sókn sé hægt að auka verðmætasköpun en auka umhverfisvernd, og útvíkka samstarf innan og utan þessa kröftuga atvinnusvæðis í Hvalfjarðarsveit.

Björt framtíð Grundartanga

audur@stefna.is (Auður Ása Maríasdóttir) — Mon, 30 Aug 2021 15:55:16 GMT

Það voru góð tíðindi er Norðurál náði nýjum raforkusamningi á dögunum. Samhliða var tilkynnt um 15 milljarða króna viðbótarfjárfestingu á Grundartanga. Mun fyrirtækið byggja nýjan steypuskála til framleiðslu á virðisaukandi sérvöru sem styrkir mjög samkeppnisstöðu þess. Framkvæmdin mun tímabundið skapa meira en 100 störf og önnur 40 framtíðarstörf í kerskála. Það styrkir Grundartanga enn frekar sem öflugt atvinnusvæði.

Norðurál er eitt af 20 stórum og smáum iðn- og þjónustufyrirtækjum á Grundartanga. Á svæðinu sækja um 1.100 manns atvinnu og að auki má rekja önnur 2.100 störf til rekstursins. Þetta samfélag fyrirtækja er langstærstu vinnuveitendur Hvalfjarðarsveitar og Akraness. Tvö stærstu fyrirtækin, Norðurál og Elkem, greiða í laun og þjónustu um 20 milljarða á ári til samfélagsins.

Þetta öfluga atvinnusvæði Grundartanga hafa fyrirtæki og sveitarfélög byggt upp sameiginlega. Til tryggingar á framþróun svæðisins enn frekar var Þróunarfélag Grundartanga stofnað 2016. Að því standa Hvalfjarðarsveit, Borgarbyggð, Skorradalshreppur, Akraneskaupstaður, Reykjavíkurborg og Faxaflóahafnir. Félaginu er ætlað að sameina krafta sveitarfélaganna, Faxaflóahafna og fyrirtækja til að mynda eitt öflugt atvinnusóknarsvæði og þróa nýja vaxtarmöguleika.

Grænt iðn- og atvinnusvæði

Félagið hefur staðið fyrir fjölbreyttum þróunar- og framfaramálum. Þar má nefna skoðun nýrra umhverfisvænna orkukosta, orkuendurvinnslu, hitaveitu og framleiðslu nýrra orkugjafa á borð við rafeldsneyti. Þá hafa ylrækt og fiskeldi verið skoðuð. Markmiðið er að fullnýta virðiskeðju framleiðslunnar, forðast sóun verðmæta og byggja upp grænna iðn- og atvinnusvæði í hringrásarhagkerfi í anda sjálfbærnimarkmiða Sameinuðu þjóðanna.

Ráðist hefur verið í skógrækt með „grænum trefli“ við Grundartanga, unnið að betri tengingu við umhverfisvænar almenningssamgöngur, og kynning efld á svæðinu. Að auki hefur félagið hvatt til samstarfs um auknar umhverfisrannsóknir og umhverfisvöktun. Fyrir er Hvalfjörður líklega best vaktaða svæði landsins sem tekur til um 100 mæliþátta í lofti, sjó og ferskvatni, húsdýrum og gróðri. Vöktunin er framkvæmd af óháðum aðilum og er hluti mælingannaaðgengilegur í rauntíma á vef Umhverfisstofnunar.

Nýsköpunar- og þróunarklasi

Þróunarfélagið byggir á sýn um uppbyggingu nýsköpunar- og þróunarklasa á Grundartanga. Þar verður fjölbreytt starfsemi ólíkra fyrirtækja, stofnana og sem tengist svæðinu, til umbóta, samstarfs og þróunar. Metnaðurinn liggur í sjálfbærri verðmætasköpun, lágmörkun vistspors og bættrar umhverfisverndar.

Rafeldsneyti og hitaveita

Tvö þróunarverkefni undir merkjum klasans ber að nefna:

Nú í sumar kynnti félagið vandaða skýrslu um möguleika á framleiðslu rafeldsneytis, en það er umhverfisvænt eldsneyti sem byggir á þekktri tækni um framleiðslu vetnis með endurnýjanlegri raforku og glatvarma frá Elkem, ásamt því að nýta koldíoxíð sem þegar er til staðar í vistkerfi svæðisins. Þannig verði dregið verulega úr losun gróðurhúsalofttegunda, orkuskipti efld og stuðlað að kröftugri nýsköpun. Með nýtingu þess mikla varma sem verður til í starfsemi á Grundartanga væri mögulegt að byggja upp hitaveitu fyrir svæðið og nágrenni þess. Nú er unnið að undirbúningi og rannsóknum á slíkri hitaveitu. Takist samningar um verkefnið og tæknilegar áskoranir leystar er fyrir séð að hitaveitan gæti tekið til starfa á næstu árum.

Þróunarfélagið byggir á þeirri trú að jákvæður ábati reksturs og fjárfestinga styrki samkeppnishæfni fyrirtækja á svæðinu. Hann skapar öruggara atvinnuumhverfi, styður við bætta þjónustu sveitarfélaga svæðisins og skapar aukið mótvægi við loftslagsbreytingar. Það er vegferð sjálfbærni fyrirtækja og samfélags. Því er sóknarhugur í þeim sem standa að uppbyggingu atvinnusvæðisins á Grundartanga í Hvalfjarðarsveit.

Greinin birtist fyrst í Morgunblaðinu 30. ágúst 2021.

Eftir Björgvin Helgason og Ólaf Adolfsson.
Björgvin er oddviti Hvalfjarðarsveitar og Ólafur er bæjarfulltrúiá Akranesi og formaður Þróunarfélags Grundartanga.

Framleiðsla rafeldsneytis á Grundartanga

Wed, 25 Aug 2021 15:43:01 GMT

Full ástæða er til að minna reglubundið á mikilvægi atvinnu- og nýsköpunar. Á hinu öfluga atvinnusvæði Grundartanga eru starfandi 20 stór og smá iðn- og þjónustufyrirtæki. Daglega sækja þar um 1.100 manns vinnu og að auki eru önnur afleidd störf um 2.100 vegna starfsemi á Grundartanga. Þetta öfluga samfélag fyrirtækja eru stærstu vinnuveitendur Hvalfjarðarsveitar og Akraness. Það segir sína sögu að tvö stærstu fyrirtækin, Norðurál og Elkem, greiða til samfélagsins í laun og þjónustu um 20 milljarða á ári.

Þetta öfluga atvinnusvæði Grundartanga hafa fyrirtæki og sveitarfélög byggt upp í sameiningu. Til að tryggja framþróun svæðisins enn frekar var Þróunarfélag Grundartanga stofnað 2016 til að móta eitt, öflugt atvinnusóknarsvæði og nýja vaxtarmöguleika.

Grænt iðn- og atvinnusvæði
Þróunarfélagið byggir nú upp nýsköpunar- og þróunarklasa á Grundartanga sem styður fjölbreytta starfsemi ólíkra fyrirtækja, stofnana og sveitarfélaga, til umbóta, samstarfs og þróunar. Metnaðurinn liggur til sjálfbærrar verðmætasköpunar, lágmörkunar vistspors og bættrar umhverfisverndar. Félagið hefur staðið fyrir fjölbreyttum þróunar- og framfaramálum. Þar má nefna skoðun á nýjum umhverfisvænum orkukostum, orkuendurvinnslu, hitaveitu og framleiðslu nýrra orkugjafa á borð við rafeldsneyti. Markmiðið er að fullnýta virðiskeðju framleiðslunnar, forðast sóun verðmæta og byggja upp grænt iðn- og atvinnusvæði í hringrásarhagkerfi í anda sjálfbærnimarkmiða Sameinuðu þjóðanna

Skýrsla um orkuskipti og rafeldsneyti
Nú í sumar kynnti Þróunarfélagið skýrslu nýsköpunarfyrirtækisins Icefuel um kosti framleiðslu á rafeldsneyti hér á landi. Þar kemur fram að bein notkun rafmagns sé talinn einn besti valkostur sem orkugjafi íslenskra samgöngu- og farartækja. Það er hins vegar ekki alltaf raunhæft og því sé nauðsynlegt að huga að öðrum möguleikum til orkuskipta í samgöngum. Slíkt sé eina leiðin til að uppfylla markmið og skyldur Íslands í loftslagsmálum. Þar mun framleiðsla á rafeldsneyti hér á landi leika stórt hlutverk.

Rafeldsneyti er kolefnishlutlaus umhverfisvænn orkugjafi eða eldsneyti sem byggir á þekktri framleiðslutækni með efnahvörfum á ammóníaki, metanól, metan, rafolíu
og hreinu vetni sem unnið er með rafgreiningu. Þar sem rafgreining er knúin endurnýjanlegri orku verði þetta kolefnishlutlaus framleiðsla. Til framleiðslunnar er notuð endurnýjanleg raforka sem og glatvarmi frá framleiðslu Elkem. Að auki verður nýtt koldíoxíð sem þegar er til staðar í vistkerfi Grundartanga. Þannig verði dregið verulega úr losun gróðurhúsalofttegunda, orkuskipti efld og stuðlað að kröftugri nýsköpun og sjálfbærni á atvinnusvæðinu. Það er eftirsóknarverð vegferð.

Ný skýrsla um framleiðslu rafeldsneytis á Íslandi

Thu, 01 Jul 2021 15:22:01 GMT

Fýsileiki þess að framleiða rafeldsneyti á Íslandi júní 2021

Líkt og aðrar þjóðir Evrópu hefur Ísland skuldbundið sig til að takast á við loftslagsvandann og sett sér mælanleg markmið til að uppfylla skuldbindingar Paríasarsamkomulagins fyrir 2030 og kolefnishlutleysi Íslands fyrir 2040

Notkun jarðefnaeldsneytis í samgöngum veldur um helmingi af CO2 losun sem er á beinni ábyrgð Íslands. Því er mikilvægt að meta þá kosti sem við höfum og þær fjárfestingar sem þarf til að skipa út jarðefnaeldsneyti fyrir aðra orkugjafa í samgöngu á landi, á sjó og í lofti.

Hluti af þeirri lausn er að nota beint endurnýtanlegt rafmagn til að knýja samgöngutæki, en í sumum tilvikum er það ekki raunhæfur möguleiki. Icefuel (Icelandic Electrical Fuel) hefur fyrir hönd Þróunarfélags Grundartanga, greint valkosti varðandi mögulegt framtíðareldsneyti og gefið út skýrslu með helstu niðurstöðum. Skýrsla þessi snertir á fýsileika þess að framleiða rafeldsneyti á Íslandi auk þess að skýra af hverju rafeldsneyti er hluti af því að ná loftlagsmarkmiðum. Þátttakendur og helstu samstarfsaðilar við vinnslu skýrslunnar:

Bjarni Már Júlíusson , BMJ Consultancy: stjórnandi verkefnisins.

Bjarni hefur þriggja áratuga reynslu af verkefnastjórnun og verkefnum tengdum orku og orkuskiptum, ásamt mikilli þekkingu á orkukerfi Íslands og einnig reynslu af bindingu óæskilegra lofttegunda frá iðnaðarstarfsemi á Íslandi.

Hallmar Halldórs , Clara Artic Energy ehf, tæknilegur ráðgjafi.

Hallmar er sérfræðingur í vetnis- og orkumálum. Hann er framkvæmdastjóri Clara Arctic Energy ehf og hefur meðal annars komið að hönnun og þróun vetnis- og orkuinnviða (vetnisstöðva, rafgreina og geymslulausna) og starfað sem slíkur á alþjóðlegum vettvangi.

Aðalheiður Kristinsdóttir , Tensio ehf., verkefnastjóri.

Aðalheiður hefur meðal annars reynslu af almennri verkefnastýringu, greiningarvinnu, áætlunargerð auk þess að hafa reynslu í sölu- og rekstrarstýringu.

Samstarf um að skoða framleiðslu á rafeldsneyti á Grundartanga

Thu, 10 Jun 2021 15:16:36 GMT

Slík framleiðsla yrði í anda þeirrar undirbúningsvinnu sem unnin hefur verið að undanförnu af Þróunarfélagi Grundartanga og samstarfsaðilum með stuðningi Atvinnuvega- og nýsköpunarráðuneytisins, þar sem horft er sérstaklega til þess að nýta orku- og efnisstrauma á nýjan hátt til að auka sjálfbærni, draga úr loftslagsáhrifum og skapa ný verðmæti.

Útlit er fyrir að rafeldsneyti á borð við grænt metanól verði lykilþáttur í orkuskiptum sem fram undan eru, í samræmi við markmið stjórnvalda um kolefnishlutleysi og jarðefnaeldsneytislaust Ísland. Metanól hentar bæði í iðnað og til að knýja fjölbreytt samgöngutæki, en stóran hluta þeirrar losunar sem íslenska ríkið hefur skuldbundið sig til að minnka má rekja til samgangna. Nágrannalönd Íslands hafa einnig metnaðarfull markmið um að skipta út jarðefnaeldsneyti, sem gæti skapað tækifæri á útflutningi íslensks rafeldsneytis.

Hörður Arnarson, forstjóri Landsvirkjunar, Benedikt Stefánsson, forstöðumaður viðskiptaþróunar hjá Carbon Recycling International, Álfheiður Ágústsdóttir, forstjóri Elkem á Íslandi og Ólafur Adolfsson, stjórnarformaður Þróunarfélags Grundartanga, undirrituðu samning um samstarfið í dag, ásamt Þórdísi Kolbrúnu R. Gylfadóttur, ferðamála-, iðnaðar- og nýsköpunarráðherra.

Þórdís Kolbrún R. Gylfadóttir, ferðamála-, iðnaðar- og nýsköpunarráðherra:

„Ég fagna þessu samkomulagi sem endurspeglar tækifæri Grundartanga til að vera í fararbroddi í hagnýtingu nýrra grænna lausna. Ég trúi að samstarf þessara öflugu aðila gæti átt eftir að reynast mikilvægt skref í átt að takmarki okkar um jarðefnaeldsneytislaust Ísland og verðmætasköpun á þeim grunni.“

Hörður Arnarson, forstjóri Landsvirkjunar:

„Framleiðsla á grænu rafeldsneyti eins og metanóli er spennandi tækifæri fyrir Ísland. Það er sérstaklega ánægjulegt að vinna að skoðun þessa verkefnis með viðskiptavini okkar til áratuga, Elkem á Íslandi, Carbon Recycling International sem eru leiðandi á sínu sviði alþjóðlega og Þróunarfélagi Grundartanga sem hefur unnið ötullega að því að þróa starfsemi og uppbyggingu á Grundartanga.“

Álfheiður Ágústsdóttir, forstjóri Elkem á Íslandi:

„Elkem á Ísland hefur unnið að því að skoða nýtingu á koldíoxíði og hita frá verksmiðjunni á Grundartanga. Tækifærin eru gríðarleg. Annars vegar er möguleiki á fjölbreyttri nýsköpun í atvinnulífi í tengslum við föngun koldíoxíðs og orkunýtingu og hins vegar eru tækifæri til að draga verulegu úr heildarkolefnisspori svæðisins sem og okkar Íslendinga allra. Þetta er metnaðarfullt framtíðarverkefni sem við hjá Elkem á Íslandi erum mjög áhugasöm um en vinnst ekki nema í samstarfi ólíkra aðila og öflugrar fyrirtækja.“

Benedikt Stefánsson, forstöðumaður viðskiptaþróunar hjá Carbon Recycling International:

„Carbon Recycling International hefur rutt brautina í tækniþróun og framleiðslu græns rafeldsneytis. Möguleikar til þess að ná aukinni stærðarhagkvæmni eru óvíða betri hér á landi en á Grundartanga. Með hagkvæmri framleiðslu á grænu metanóli getum við lagt grunn að orkuskiptum í landflutningum og sjávarútvegi, aflað aukinna útflutningstekna og nýtt nýja orkukosti í núverandi flutningskerfi. Þessi athugun er mikilvægt skref í ferli sem vonandi leiðir til fjármögnunar og framkvæmdar. Er okkur því mikil ánægja að ganga til samstarfs við Landsvirkjun, Elkem og Þróunarfélagið.“

Ólafur Adolfsson, stjórnarformaður Þróunarfélags Grundartanga:

„Þróunarfélagið Grundartanga hefur unnið markvisst að því undanfarin ár að skoða tækifæri til að nýta betur efnis- og auðlindastrauma frá iðnaðarsvæðinu á Grundartanga ásamt því að draga úr kolefnisfótspori svæðisins. Það er mat Þróunarfélagsins að mikil tækifæri felist í framleiðslu á grænu rafeldsneyti á Grundartanga og lykillinn að því er að ná saman öflugustu fyrirtækjum landsins á þessu sviði til verkefnisins. Ég tel að stórt skref í þá átt sé stigið í dag með undirritun samstarfssamnings Elkem, Landsvirkjunar, CRI og þróunarfélagsins Grundartanga um framleiðslu rafeldsneytis. Ef vel tekst til mun verkefnið verða mikilvægt skref í orkusjálfstæði landsins, ásamt því að stuðla að því að Ísland verði óháð jarðefnaeldsneyti og nái yfirlýstum markmiðum sínum í loftslagsmálum.“

Það tekur tíma að byggja upp nauðsynlega innviði til framleiðslu á rafeldsneyti eins og grænu metanóli á Íslandi til að hægt verði að mæta eftirspurn næstu ára og áratuga. Því er mikilvægt að hefjast handa strax við að útfæra hvernig slík framleiðsla muni fara fram. Niðurstöður þess samstarfs sem kynnt er í dag munu verða mikilvægt innlegg sem vonandi treystir grunn að næstu skrefum að jarðefnaeldsneytislausu Íslandi.

Samstarf um föngun kolefnis og nýtingu glatvarma - 1. áfangi

Thu, 10 Jun 2021 15:13:14 GMT

Lykilatriði:

Föngun kolefnis úr útblæstri iðnfyrirtækja á Grundartanga sem verður dælt niður í borholur á svæðinu, ásamt nýtingu glatvarma frá þeirri starfsemi til hitaveitu
Markmið að draga verulega úr losun gróðurhúsalofttegunda, efla orkuskipti og nýsköpun
Nýting glatvarma frá starfsemi iðnfyrirtækja á Grundartanga til hitaveitu sem getur þjónað fyrirtækjum á iðnaðarsvæðinu og nálægum sveitarfélögum

Í dag undirrituðu þau Álfheiður Ágústsdóttir frá Elkem, Gestur Pétursson frá Veitum, Edda Sif Pind Aradóttir frá CarbFix, Þórdís Kolbrún Reykfjörð Gylfadóttir ferðamála, iðnaðar- og nýsköpunarráðherra og Ólafur Adolfsson stjórnarformaður Þróunarfélags Grundartanga, viljayfirlýsingu um að vinna saman að fjölnýtingu þeirra efnisstrauma sem til staðar eru á Grundartangasvæðinu og fela í sér í fyrsta áfanga:

Föngun á koldíoxíði úr útblæstri Elkem til niðurdælingar á Grundartanga eða (áfangi 2) til framleiðslu rafeldsneytis.

Hagnýtingu glatvarma til raforkuframleiðslu og til uppsetningar á hitaveitu sem þjónað gæti iðnaðarsvæðinu á Grundartanga, Hvalfjarðarsveit og Akraneskaupstað og fyrirtækjum sem vilja nýta sér varmaorku í sinni starfsemi.

„Verkefnið sem unnið verður undir stjórn Þróunarfélags Grundartanga, fellur vel að loftslagsmarkmiðum Íslands en einnig að þróun í orkumálum og atvinnusköpun. Vonir standa til að verkefnið geti skapað umtalsverð verðmæti á komandi árum en það er hluti af uppbyggingu græns iðn- og auðlindaklasa á Grundartanga og munu niðurstöður þess nýtast á fleiri iðnaðarsvæðum á landinu.“ segir Ólafur.

Edda Sif sagði Carbfix með mikinn byr í seglunum, sem væri afar ánægjulegt og nauðsynlegt þegar loftslagsváin gerir vart við sig með sífellt fjölbreyttari hætti. „Við höfum vart undan að svara óskum um samstarf víðsvegar um heiminn en það er gott að ráðast fyrst í þetta verkefni hér heima fyrir,“ segir Edda Sif.

Verkefnið er liður í því að gera Ísland að kolefnishlutlausu samfélagi, bæta orkunýtni, nýta umframorku í raforkukerfinu, minnka losun gróðurhúsalofttegunda, auka hlutfall endurnýjanlegra orkugjafa, efla orkuskipti, stuðla að grænni nýsköpun og efla rannsóknar- og þróunarstarf. Verkefnið snýr jafnframt að þróun nýrrar tækni með möguleikum á útflutningi á þeirri tækni til annarra landa.

Staðsetning verkefnisins á Grundartanga kemur til þar sem á því svæði er aðgangur að þeim efnisstraumum sem verkefnið þarfnast, þ.e. koldíoxíð og glatvarmi frá iðnaðarstarfsemi á svæðinu, gott aðgengi að endurnýjanlegri umfram raforku og afar góð hafnaraðstaða.

Vonir standa til þess að verkefnið styðji við áframhaldandi uppbyggingarskeið á Grundartanga sem grundvallað verði á nýsköpun, umhverfisvænum lausnum, verðmætasköpun og klasasamstarfi öflugra fyrirtækja, stofnana og opinberra aðila.

Nýting Carbfix tækni á Grundartanga

Wed, 09 Jun 2021 15:09:52 GMT

Á myndinni: Álfheiður Ágústsdóttir forstjóri Elkem, Edda Sif Aradóttir forstjóri Carbfix, Þórdís Kolbrún Reykjafjörð Gylfadóttir ráðherra og Ólafur Adolfsson stjórnarformaður Þróunarfélags Grundartanga

Þórdís Kolbrún R. Gylfadóttir, Ferðamála-, iðnaðar- og nýsköpunarráðherra, var viðstödd þegar Carbfix ohf, Þróunarfélag Grundartanga og Elkem Ísland undirrituðu viljayfirlýsingu um samstarf þann 9. júní 2021. Verkefnið felur í sér að meta hagkvæmni þess fyrir Elkem að nýta Carbfix tækni til að draga úr losun koltvísýrings og gera nauðsynlegar ráðstafanir til að samræma og hrinda verkefninu í framkvæmd. Carbfix líkir eftir og hraðar náttúrulegum ferlum þar sem CO2 er fangað og bundið í berg með það að markmiði að minnka losun koltvísýrings út í umhverfið.

Rafeldsneyti framleitt á Grundartanga

Tue, 09 Jun 2020 14:45:25 GMT

Samningur um gerð skýrslu um rafeldsneyti undirritaður hjá Elkem þann 20. júní 2020.

Samningur undirritaður milli Atvinnuvega- og nýsköpunarráðuneytis og Þróunarfélags
Grundartanga um þróun og framleiðslu á rafeldsneyti

Lykilatriði:

Rafeldsneyti er umhverfisvænt eldsneyti og byggir á þekktri tækni (Fisher Tropsch)
Nýnæmi verkefnisins felst í því að framleiða vetni með endurnýjanlegri raforku og
glatvarma ásamt því að nýta koldíoxíð sem þegar er til staðar i vistkerfinu.
Kolefni úr útblæstri iðnfyrirtækja á Grundartanga, verði fangað ásamt nýtingu glatvarma
frá þeirri starfsemi og umframorku í raforkukerfinu
Markmið að draga verulega úr losun gróðurhúsalofttegunda, efla orkuskipti og nýsköpun

Í dag undirrituðu Þórdís Kolbrún Reykfjörð Gylfadóttir ferðamála, iðnaðar- og nýsköpunarráðherra og Ólafur Adolfsson stjórnarformaður Þróunarfélags Grundartanga samstarfssamning um þróun á framleiðslu rafeldsneytis á Grundartanga. Samningurinn hljóðar upp á 50 mkr. styrk ríkisins við verkefnið sem unnið verður undir stjórn Þróunarfélagsins. Verkefnið fellur vel að loftslagsmarkmiðum Íslands en einnig þróun í orkumálum og atvinnusköpun. Vonir standa til að verkefnið geti skapað umtalsverð verðmæti á komandi árum en það er hluti af uppbyggingu nýsköpunar- og þróunarklasa á Grundartanga.

Verkefnið gengur út á að fanga kolefni frá útblæstri iðnfyrirtækja á Grundartanga, notkunar á glatvarma og nýtingu endurnýjanlegrar umframorku í raforkukerfinu. Um er að ræða rannsóknar- og þróunarverkefni sem byggir á nýnæmi varðandi notkun á endurnýjanlegri raforku ogvarma til að framleiða tilbúið eldsneyti úr vetni og koldíoxíð (CO2).

Lokamarkmið verkefnisins er að koma upp í áföngum starfsemi sem dregur verulega úr kolefnisspori Íslands með framleiðslu á kolefnishlutlausu rafeldsneyti sem nýta má til að knýja hefðbundna brunahreyfla samgöngutækja, án breytinga, sem kemur í stað jarðefnaeldsneytis.

Fyrirséð er að núverandi innviðir við geymslu, dreifingu og afgreiðslu eldsneytis muni nýtast og að hið nýja rafeldsneyti muni því falla vel að gildandi regluverki og starfsleyfum. Ekki þurfi því að ráðast í miklar innviðafjárfestingar samhliða þessu verkefni.

Verkefnið byggir á svokallaðri Fischer Tropsch tækni en nýnæmi aðferðarinnar felst í því að framleiða vetni með endurnýjanlegri raforku og glatvarma ásamt því að nýta koldíoxíð sem þegar er til staðar i vistkerfinu.

Áhrif á kolefnislosun Íslands verða umtalsverð ef rafeldsneyti verður framleitt hér á landi í stórum stíl og því um mikilvægt verkefni að ræða út frá losunar skuldbindingum Íslands.

Verkefnið er liður í því að gera Ísland að kolefnishlutlausu samfélagi, bæta orkunýtni, nýta umframorku í raforkukerfinu, minnka losun gróðurhúsalofttegunda, auka hlutfall
endurnýjanlegra orkugjafa, efla orkuskipti, stuðla að grænni nýsköpun og efla rannsóknar- og þróunarstarf. Verkefnið snýr jafnframt að þróun nýrrar tækni með möguleika á útflutningi á þeirri tækni til annarra landa.

Vonir standa til þess að verkefnið marki byrjun uppbyggingarskeiðs á Grundartanga sem grundvallað verði á nýsköpun, umhverfisvænum lausnum, verðmætasköpun og klasasamstarfi öflugra fyrirtækja, stofnana og opinberra aðila.

Nánari upplýsingar veitir:
Ólafur Adolfsson
Stjórnarformaður Þróunarfélags Grundartanga
olafur@grundartangi.is
s. 8975059

grundartangi

Kynning á niðurstöðum umhverfismats Aurora fiskeldis

Kynning verður á niðurstöðum umhverfismats Aurora fiskeldis vegna landeldis á laxi á Grundartanga í Hvalfirði.

Viljayfirlýsing um aukin umsvif loftslagavænnar starfsemi á Grundartanga

Vegna fyrirhugaðra verndartolla ESB á kísiljárn

Áskoranir sveitarfélaga

Kynning á matsáætlun Aurora fiskeldis

Starfsemi á Grundartanga og flokkunarreglugerð ESB

Starfsemi á Grundartanga og flokkunarreglugerð ESB

Föngun CO2 á Grundartanga

Styrkur frá Orkusjóði

Styrkur úr Orkustjóðs til uppsetningar varmaveitu á Grundartanga

Hvað er sjálfbærniumgjörð?

Hvað er sjálfbærniumgjörð?

Góður gangur á Grundartanga

Heimsókn ráðherra í Hvalfjarðarsveit

Sævari Frey þakkað gott samstarf

Heimsókn nemenda frá LBHÍ

Heimsókn til Þróunarfélags Grundartanga

Grundartangi sem grænn hringrásargarður

Undirritun viljayfirlýsingar um uppbygginngu græns iðngarðs með hringrásarhugsun

Græn atvinnusköpun

Björt framtíð Grundartanga

Framleiðsla rafeldsneytis á Grundartanga

Ný skýrsla um framleiðslu rafeldsneytis á Íslandi

Samstarf um að skoða framleiðslu á rafeldsneyti á Grundartanga

Samstarf um föngun kolefnis og nýtingu glatvarma - 1. áfangi

Nýting Carbfix tækni á Grundartanga

Rafeldsneyti framleitt á Grundartanga

Samningur undirritaður milli Atvinnuvega- og nýsköpunarráðuneytis og Þróunarfélags Grundartanga um þróun og framleiðslu á rafeldsneyti

Samningur undirritaður milli Atvinnuvega- og nýsköpunarráðuneytis og Þróunarfélags
Grundartanga um þróun og framleiðslu á rafeldsneyti