Hlutverk og verkefni
Tilgangur Þróunarfélags Grundartanga er að vinna að framfaramálum á athafna-, iðnaðar- og hafnarsvæðinu við Grundartanga í Hvalfjarðarsveit. Þetta er gert með því að sameina krafta sveitarfélaga, Faxaflóahafna og fyrirtækjanna á svæðinu til að mynda eitt ölfugt atvinnusóknarsvæði.
Helstu markmið Þróunarfélagsins
- Styrkja og leggja áherslu á skipulagt atvinnu- og iðnaðarsvæði með samkeppnishæfni tengda umhverfismálum
- Útbúa innviðalýsingu sem tekur til kosta svæðisins tengt þróunar- og vaxtamöguleikum, þ.m.t. búsetukostum sveitarfélaganna
- Auka og búa til samfélag fyrirtækja á svæðinu
- Efla rannsóknir á sviði umhverfismála með auknum áherslum á grænan iðnað
- Leiðarljós er grænt atvinnusvæði sem laðar að fjárfesta og ný græn atvinnutækifæri
- Nýta sviðsmyndir og stefnumótun til að fylgja eftir markmiðunum
Árið 2017 var unnin sviðsmyndagreining um framtíð atvinnulífs og uppbyggingar á Grundartanga til ársins 2040 sem unnin var af KPMG fyrir Þróunarfélagið. Mótaðar voru sviðsmyndir sem lýsa fjórum mismunandi “framtíðum” í starfsumhverfinu og hvernig það getur þróast með ólíkum hætti. Sú vinna var nýtt sem grunnur að stefnu félagsins og verkefnavali.
Dæmi um verkefni sem unnin hafa verið á síðustu árum:
- Gerð skýrslu um orkuendurvinnslu með virkjun umframvarma á Grundartanga.
- Fýsileikakönnu á rekstri og uppbyggingu rafeldsneytisverksmiðju.
- Fýsileikakönnun á framleiðslu á grænu Metanóli.